Ffatri Cynhyrchu Bwyd Leol; RF Brooks yn dangos ymrwymiad i Addewid y Cyflogwr
Mae’r tîm learndirect yng Ngholeg Gwent yn gweithio mewn partneriaeth gyda’r adran Sgiliau Sylfaenol yn y Coleg i ddarparu hyfforddiant staff cynhwysfawr i ffatri cynhyrchu bwyd leol R F Brooks. Bydd y rhaglen, sy’n cael ei darparu drwy learndirect gyda chymorth staff sgiliau sylfaenol y Coleg, yn canolbwyntio ar anghenioniaith Saesneg a llythrennedd sylfaenol.
Mae R F Brooks yn cyflogi dros 830 o weithwyr sy’n cynnwys pobl o fwy nag ugain o wledydd gwahanol. Roedd angen rhaglen a fyddai’n rhoi hyfforddiant mewn Saesneg i siaradwyr ieithoedd eraill (ESOL) a darparu llwybr i weithwyr cyflogedig ddatblygu eu sgiliauymhellach.
Meddai Maliika Kaaba, Rheolwr Sgiliau Sylfaenol ac Allweddol Coleg Gwent: “Mae’r rheolwyr yn R F Brooks yn cydnabod bod angen i staff wella eu sgiliau iaith Saesneg er mwyn gweithio’n well yn y gweithle. Bydd gwella sgiliau iaith staff nid yn unig yn gwella cynhyrchiant ond bydd yn creu amgylchedd gweithiomwy diogel i bawb.
“Mae canolfan ddysgu wedi cael ei hadeiladu ar y safle ac mae rhaglen hyfforddi gyfunol yn cael ei darparu bellach, sy’n cyfuno cyrsiau ESOL a llythrennedd a rhifedd sylfaenol learndirect gyda chynnwys pwrpasol sydd yng ngofal tiwtoriaid Coleg Gwent.
“Mae’r prosiect hwn yn rhan o’n hymrwymiad i fenter Addewid y Cyflogwr. Mae Coleg Gwent wedi cyflogi tri aelod o staff yn unswydd i hyrwyddo Addewid y Cyflogwr ac i gwrdd â chwmnïau ledled Gwent i gynghori ar sut gellir cefnogi rhaglenni unigol datblygu’r gweithlu.
Bydd gan bob cwmni anghenion hyfforddi gwahanol ond mae hyblygrwydd dysgu ar-lein a’r amrywiaeth o gyrsiau sydd ar gael drwy learndirect yn golygu ein bod yn gallu cynnig atebion unigryw i gynorthwyo pob cyflogwr."
Ychwanegai Jeff Greenridge, Pennaeth learndirect yng Nghymru: “Mae’r nifer cynyddol o weithwyr mudol yn golygu fod llafurlu Cymru’n newid a chwmnïau gwych fel R F Brooks sy’n gosod esiampl drwy sicrhau bod gan eu gweithwyr cyflogedig y sgiliau sydd eu hangen i gyflawni eu gwaith yn ddiogel a'u galluogi i integreiddio yn y cymunedau y maent yn byw ynddynt. Rydw i’n falch iawn bod learndirect wedi bod mor fuddiol ac wrth fy modd fod Coleg Gwent ac R F Brooks wedi dangos y fath ymrwymiad i Addewid y Cyflogwr ar Sgiliau Sylfaenol”.
