Joanne Thomas yw e-ddysgwr y flwyddyn yng Nghymru, gwobr a noddir gan learndirect, fel rhan o Wythnos Addysg Oedolion NIACE Dysgu Cymru. Cyflwynwyd y teitl iddi yn Seremoni Wobrwyo Wythnos Addysg Oedolion yn Llandudno. Yn ddiweddarach cyflwynwyd cyfrifiadur iddi oddi wrth learndirect mewn seremoni yng Ngholeg Penfro.
A hithau wedi ei hyfforddi fel cogydd yn wreiddiol, nid yw Joanne, sy'n fam sengl, wedi gweithio ers i'w mab chwe blwydd oed Jacob gael ei eni. Roedd hi'n benderfynol o gael ei chyflogi eto, felly penderfynodd gael y sgiliau TG diweddaraf. Gan fwriadu newid cyfeiriad, penderfynodd ganolbwyntio ar weinyddu swyddfa.
"Ro'n i'n gwybod bod rhaid i mi gael y sgiliau cywir i fynd n�l i'r gwaith a bod y lefel roedd ei hangen wedi codi'n sylweddol ers i mi gael fy nghyflogi ddiwethaf."
"Dwi wedi cwblhau'r Drwydded Yrru Cyfrifiadur Ewropeaidd (ECDL) a dwi bellach yn defnyddio learndirect ar gyfer amrywiaeth o gyrsiau ar y cyfrifiadur fel Powerpoint 2000, cyhoeddi pen bwrdd a dwi ar fin dechrau ar raglen cadw cyfrifon busnes Sage."
"Roedd hi'n hawdd mynd n�l i ddysgu yng Ngholeg Penfro ac oherwydd fy mod i'n cwblhau'r cwrs drwy ddefnyddio learndirect dw i'n gallu gwneud pethau yn fy mhwysau fy hunan, sy'n hynod gyfleus i mi gan mai fi sydd �'r cyfrifoldeb o ofalu am fy mab."
