Pan ddechreuodd Natalie Griffiths, sy’n 21
oed, feddwl am ei dyfodol, sylweddolodd y byddai gwella ei sgiliau
Mathemateg a Saesneg yn ei helpu hi i gael swydd dda. Aeth Natalie
ymlaen i ennill cymhwyster cyfrifiaduro a sgiliau rhifedd trwy
learndirect.
Meddai Natalie: “Pan oedd fy merch yn 18 mis oed, dechreuais sylweddoli nad oedd gen i unrhyw beth yn gefn i mi, dim cymwysterau na sgiliau ar gyfer y dyfodol. Gadewais yr ysgol gyda rhai cymwysterau TGAU ond doeddwn i ddim yn sylweddoli pa mor bwysig oedd cymwysterau Mathemateg, Saesneg a Chyfrifiadura. Erbyn hyn, mae fy merch yn ddigon hen i mi ddechrau chwilio am waith, ond dim ond pan ddechreuais i edrych ar hysbysebion swyddi y gwnes i sylweddoli fod y rhan fwyaf o gyflogwyr yn gofyn am y cymwysterau hyn. Roedd hi’n bryd i mi feddwl o ddifrif am y peth ac mae bywyd yn rhy fyr i golli cyfleoedd fel hyn”.
