Er nad oedd hi’n gallu gweithio am 26
mlynedd, mae Rita Dowling o Rydaman yn benderfynol o oresgyn ei
phroblemau iechyd ac ennill cymwysterau a chanfod gwaith.
Daeth Rita i’r Ganolfan Ddysgu yng Ngholeg Pontardawe am y tro cyntaf ddwy flynedd yn ôl heb unrhyw gymwysterau. Bellach mae ganddi gymwysterau a gydnabyddir yn genedlaethol mewn rhifedd, llythrennedd a chyfrifiaduron ac mae hi’n gwirfoddoli yn y Ganolfan Cyngor ar Bopeth erbyn hyn.
Meddai Rita: “Y peth gwych am ddysgu gyda learndirect yw
eich bod yn gallu dysgu pryd y mynnoch. Mae amser maith ers i mi fod yn yr
ysgol ac nid oedd yn brofiad hapus i mi. Ni fyddwn wedi gallu ymdopi â
dychwelyd i’r ystafell ddosbarth, felly roedd y dosbarthiadau anffurfiol
hyn yn ddelfrydol.
Nid wy’n gyrru ac mae cael canolfan ddysgu yn y dref yn gyfleus iawn. Mae
awyrgylch yr ystafell ddosbarth mor gyfeillgar a hamddenol ac rwy’n mwynhau
dod yn fawr. Rwy’n mynychu dwywaith yr wythnos ar hyn o bryd, ac yn parhau
i ddysgu gartref, er mwyn i mi allu cyflawni fy nghyfrifoldebau eraill.
Mae Rita yn gwneud cynnydd anhygoel yn ei chyrsiau ac mae hi wedi cwblhau cwrs cynnal a chadw a diogelwch cyfrifiaduron yn ddiweddar. Mae hi wrthi’n dilyn cwrs ‘Your call - Call Centre Pre-employment’ gan learndirect ar hyn o bryd. Meddai Rita, “Nid wy’n credu y byddwn wedi mor llwyddiannus hyd yma heb fy nhiwtor, sy’n gefnogol ac yn gymorth mawr bob amser. Mae hi’n fy ysbrydoli a fy ysgogi i barhau”.
Jan Osman yw tiwtor Rita yng Ngholeg Pontardawe a dywedodd: “Mae’r newid yn Rita ers iddi ddod yma gyntaf wedi bod yn syfrdanol. Mae ei hyder wedi cynyddu gymaint a mae hi’n dysgu gyrru erbyn hyn hyd yn oed. Rwy’n mawr obeithio y bydd ei gwaith caled yn talu ar ei ganfed”.
Am ragor o wybodaeth am sut i ddechrau ar gwrs learndirect, ewch i www.nothingcanstopyou.co.uk neu www.nptc.ac.uk.
