Aeth Mark Tami AS draw i'r Netcafe yn Shotton i roi cynnig ar y cyfrifiaduron diweddaraf i gael mynediad i'r Rhyngrwyd, a phan oedd e yno, cofrestrodd ar gwrs learndirect. Gan fod ganddo ddiddordeb mewn gwybod beth sydd gan y Rhyngrwyd i'w gynnig, cofrestrodd ar gwrs Introduction to the Internet, y byddai'n gallu ei ddilyn ar unrhyw gyfrifiadur wedi ei gysylltu �'r rhwydwaith, gartref, n�l yn swyddfa ei etholaeth neu hyd yn oed yn San Steffan.
Fel pobl eraill, mae Mark Tami'n hynod brysur a byddai'n ei chael hi'n anodd mynychu cwrs ffurfiol ar adegau penodol bob wythnos. Mae'n awyddus i barhau i ddysgu a theimlai y gallai gynnwys y cwrs learndirect yn ei amserlen brysur. Mae cyrsiau learndirect ar gael yn y Netcafe, gyda chymorth gan diwtor sydd ar gael i'r rhai sydd ei angen. Mae cyfrifiaduron ar gael i bobl eu defnyddio pan fyddant yn galw heibio, p'un ai ydynt am gael mynediad i gwrs learndirect neu'n defnyddio'r rhyngrwyd. Nid canolfan ddysgu yw'r Netcafe'n unig - mae'n gaffi ac yn fan cyfarfod i bobl a busnesau lleol.
Pan oedd yn y Netcafe, meddai Mark Tami, "Hoffwn longyfarch Coleg Glannau Dyfrdwy am gymryd y camau hynod gadarnhaol hyn i annog pobl ym mhob galwedigaeth i ddychwelyd at ddysgu. Mae'r cyfleusterau yn y Netcafe wedi creu cryn argraff arna i a bydd pobl a busnesau lleol Shotton yn sicr o elwa arnyn nhw."
Mae'r Netcafe wedi cael ei noddi gan y Gronfa Cyfleoedd Newydd sy'n dosbarthu arian loteri i brosiectau iechyd, addysg a'r amgylchedd ledled y DU.
