Mae’r ymgyrch ‘darllen gyda’ch gilydd, chwarae gyda’ch
gilydd’ yn annog rhieni Cymru i ymarfer sgiliau llythrennedd a rhifedd
gyda’u plant gan roi cyhoeddusrwydd i’r materion hynny.
Mae’r ymgyrch, sy’n cael ei gweithredu gan learndirect yn defnyddio’r thema ‘darllen gyda’ch gilydd, chwarae gyda’ch gilydd’ fel rhan o ddatblygiad plentyn i gynorthwyo i godi ymwybyddiaeth o faterion llythrennedd a rhifedd ymysg rhieni - gan annog rhieni i wella’u sgiliau mewn Saesneg a mathemateg.
Mae learndirect wedi cynhyrchu llyfr “Where Did The River Go” sy’n cynnwys y cymeriadau lliwgar Plip a Dab, sef llyfr darllen rhyngweithiol a llawn hwyl i blant ac oedolion, sy’n cynorthwyo i ailadrodd pwysigrwydd dysgu gyda’ch gilydd.
Er mwyn amlygu pwysigrwydd y llyfr – mynychodd plant ysgol Gynradd leol o Ysgol Gynradd Abercanaid grŵp darllen yn llyfrgell Merthyr gyda Plip a Dab, cymeriadau’r llyfr.
Meddai Mike Sullivan, pennaeth ysgol gynradd Abercanaid, Merthyr:
“Mae’r plant wedi cael llawer o hwyl heddiw yn cymryd rhan yn yr ymgyrch hon sy’n ffordd wych o godi ymwybyddiaeth o bwnc pwysig”.
Ychwanegodd Sue Leslie, Rheolwr Partneriaeth learndirect yn WEA:
“Mae’r llyfr am ddim a chopïau ar gael yng nghanolfan ddysgu WEA sydd ar y Stryd Fawr yng nghanol tref Merthyr. Mae’r ganolfan yn cynnig gwasanaeth dysgu cyfeillgar, hamddenol ac anffurfiol i unrhyw un sydd angen cymorth i wella’u Saesneg a mathemateg.”
Gall rhieni ddefnyddio gêm, rhyngweithiol am ddim ar www.thelegulaadventure.co.uk sydd hefyd yn eu galluogi i ddatblygu’u sgiliau TGCh.
